خرج مطرب المهرجانات الشعبية حمو بيكا للرد على الأنباء المنتشرة بشأن تفكيره في اعتزال الغناء، أو الاعتزال بشكل كامل، مشيرا إلى أنه لم يقل هذا الشيء لأنه مقتنع أنه لا يعمل شيء مخطيء بل يؤدي جميع فروضه وملتزم بالعبادة وفي نفس الوقت ملتزم بأعماله.

حمو بيكا ينفي أبناء اعتزاله

وقال حمو بيكا في فيديو رصده موقع تحيا مصر عبر حسابه الرسمي بموقع تبادل الصور والفيديوهات انستجرام: معرفش ليه الخبر ده منتشر.. أنا مبعملش حاجة غلط. لما مسحت أغاني أحمد عامر عشان هو في ذمة الله والمفروض ميكنش ليها وجود عندي.. إنما قصة اعتزالي المنتشرة، اعتزل ليه؟ إحنا مبنعملش حاجة غلط، ده أكل عيشنا وفي 25 فرد وفاتحين بيوت من ورانا.. وربنا هو اللي هيحاسبنا مش أنتم.

وتابع حمو بيكا حديثه: الحمد لله إحنا عارفين ربنا كويس وبنصلي.. ومبنعملش حاجة غلط يعني.. أنا وقفت شغل إمبارح، مخدتش شغل خالص ووقفنا طرح الأغاني عشان وفاة أحمد عامر.. ومش هنعتزل لأن دي لقمة عيشنا، وكلنا أموات ورايحين.

حمو بيكا يحذف اغاني احمد عامر

 وكان قد كتب حمو بيكا على حسابه الرسمي بموقع تبادل الصور والفيديوهات انستجرام، معلنا حذف اغاني احمد عامر: "تم حذف جميع أغاني اخويا احمد عامر من علي قناتي ربنا يرحمك ويغفرلك ويسكنك فسيح جناته نتمني من كل صحاب شركات الانتاج وكل حد عمل ديو مع احمد يمسح الاغاني بتاعته وربنا يرحمنا برحمته الواسعه ويغفرلنا جميعا".

لينتشر بعد هذا الأمر نبأ اعتزاله الغناء، حيث علق له متابع على المنشور، قائلا: "مش ناوي تاخد الطريق ده انت كمان"، ليرد حمو بيكا "في اقرب فرص بس الصبر".

وفاة أحمد عامر 

رحيل أحمد عامر في سنٍ صغيرة أحدث صدمة في الوسط الفني، إذ كان يعد من الأسماء الصاعدة في مجال الأغنية الشعبية، وحقق شهرة من خلال أعمال عديدة مثل "مبقتش مستغرب"، و"الكل خاب"، و"صحبة بمليون وش"، وقد نعت جماهيره وزملاؤه رحيله بكلمات مؤثرة، وتداولوا مقاطع من أغانيه ولقاءاته كنوع من التكريم لذكراه.